Вработените на Рамсторе заедно со своите потрошувачи повторно ја покажаа својата хуманост и втора година по ред активно се вклучија во одбележувањето на Светскиот ден на гладта 16 октомври под мотото“ЗАПОМНИ! Еден од шест луѓе си легнува гладен секоја вечер” .
Во соработка со Организцијата Сите Сити “Ајде Македонија” вработените на Рамсторе заедно со своите потрошувачи уште еднаш го потврдија своето општествено одговорно однесување со значајна донација од 2,500 парчиња храна која ќе биде распределена на семејствата на децата од улица, двата шелтри за жени жртви на семејно насилство во Скопје и лица/семејства со посебни потреби.
Големиот интерес од страна на нашите вработени и потрошувачите е доказ за постоење на хуманост и солидарност и како компанија и како личности.(истакнаа од Рамсторе)
Ние како компанија ќе продолжиме да се вклучуваме во слични општествено одговорни проекти со цел да го побудиме хуманиот дел и да го поттикнеме чувството на солидарност и на хумана димензија кај сите. Веруваме дека секоја донација направена денес ќе биде корисна за нашето општество, а воедно ќе им помогне на оние на кои им е најмногу потребна.