Знаеме дека насловот звучи чудно, но тоа навистина се случи, а целата приказна и тоа како е убава.

Толку убава што приказната за венчавката на Вил, Ешли и нејзината сестра Хана, стигна брзо до сите светски медиуми.

Во моментот кога Хана дошла на свет, нејзината повозрасна сестра Ешли знаела дека сос војата сестричка секогаш ќе бидат како „прст и нокт“. Но, како што Ешли растела, а растела и Хана, почнала да сфаќа дека нејзината сестра не е како останатите девојчиња.

Тогаш родителите ѝ објасниле на Ешли дека Хана е родена со Даунов синдром, па дека поради тоа никогаш нема да биде целосно иста како останатите деца, а подоцна и возрасни. Ешли воопшто не се исплашила од тоа, туку сама себеси си ветила дека секогаш ќе биде тука за својата сестра и дека нејзина „работа“ ќе биде секогаш да се грижи за неа. Без оглед на сè. Затоа, цел живот секаде ја водела со себе и секогаш се трудела нејзината сестра добро да се вклопи во нејзиното друштво, па на тоа инсистирала и кога започнала љубовна врска со Вил.