Секој знак носи одредени квалитети кои може да ги искористи за да си помогне себеси и на другите околу него. Да речеме дека Господ ги создавал хороскопските знаци еден по еден со намера секој да биде различен и предодреден да исполни одредена цел на Земјата. Имајќи ги предвид карактеристиките на хороскопските знаци, Господ би им ги поделил следниве важни задачи.

Овен
Тебе прв ти го давам ова семе за да ја имаш честа да го посееш пред сите останати. За секое семе кое ќе го посееш, во твојата рака ќе се размножат милион нови. Но, нема да имаш време да гледаш како секое семе расте, бидејќи ќе пораснат повеќе растенија од она што си планирал. Ти ќе бидеш првиот кој со мојата идеја ќе допре до умот на луѓето. Твојата работа нема да биде да ја негуваш таа идеја ниту да ја преиспитуваш, туку да ги правиш луѓето свесни за моето постоење. Твојот живот ќе биде акција, акција и само акција. Заради твојата посветена работа, ти подарувамсамодоверба.