Домот нека ви замириса на свежо подготвена домашна пита.

Засукајте ракави и исукајте го тестото.

Состојки:

состојки за тесто

1 кг брашно
½ л млеко
1 коцка квасец
3 помали кафени чаши зејтин
1 јајце
2 супени лажици шеќер
1 супена лажица сол

состојки за фил
2 јајца
350 г сирење или урда
500 г спанаќ

Подготовка:

Фил: Јајцата малку се матат со путер и се додава згмечено сирење и спанаќ.

Редење: Од сите состојки за тестото се замесува меко тесто. На набрашнета површина, тестото се сука во форма на правоаголник и се филува со фил.

Ролат: Се формира ролат, се сечат на парчиња (кришки) и се редат во плех за печење. Парчињата се премачкуваат со жолчка, одозгора се става сусам и се остава да нарасне.

Готова пита: Откако ќе се испече, уште жешки, се поливаат со (околу) 150 мл млеко и се оставаат да се подисушат во топлиот плех.