Loading...

Работите кои ќе ве мотивираат да изгубите некој килограм


Помислата на облекување на бикини можеби за некои е доволна мотивација, но кај некои е потребна поголема стимулација. Погледнете ги главните мотиватори за губење килограми

Станете најдобар пријател со вашето омилено бикини

Персоналниот тренер, Никол Винхофер ги советува дамите да носат костими за капење по дома.

Носете го додека ги обавувате дневните домашни обврски. Ќе ви помогне да се чувствувате пријатно со помалку облека на себе и да се спремите за летото. Така и ќе увидите на кој дел од телото треба да му обрнете внимание и да работите на него.

Запишувајте ги вашите цели

Немојте само да мислите на вашите цели, туку запишете ги. Се што сакате да постигнете запишете ги ви тефтер или пак закачете ги на пано во вашата соба. Може да ги запишете и во вашиот телефон, така постојано ќе ги имате крај себе. Ќе ви биде постојан потсетник дека треба да работите на себе.

Селективно трошете ги вашите пари

Наместо да потрошите дел од вашите пари на непотребни грицки, почастете се себе си со ново парче гардероба за тренинг или со другарките уплатете чланарина во теретана. Телото ќе ви биде благодарно.

Јадете овошје и зеленчук

На пазар секогаш можете да најдете свежо овошје и зеленчук кое ќе ви помогне да ги изгубите несаканите килограми. Додавајте малку лимон во водата која ја пиете. Ќе делува на вашето тело како природен диуретик.

Наградете се самите себе

Само не со храна. Кога ќе постигнете една цел, прво замислете ја следната. Потоа моежете да се почастите со масажа или со маникир и педикир. Запаметете, наградата е нешто што треба да ве стимулира да продолжите да работите на себе.

Не се трудете да бидете новата Миранда Кер

Нормално е да сакате да имате гради или нозе како славните личности, но не дозволувајте тие да ви ја убијат самодовербата и фокусирајте се на жени кои се градени како вас. Имате потенцијал за неверојатни стомачни мускули? Закачете слика од славна личност која има стомачни какви што посакувате.