Препорака од кардиолог: Многу секс и лук за здраво срце



Кардиоваскуларните болести се водечка причина за смртност во Велика Британија. Благодарение на мерките кои се преземаат за справување со проблемот, земјата забележува напредок во ограничувањето на бројот на смртни случаи. Откако во 2007 година е воведена забрана за пушење на јавни места, мозочните удари на пример се намалиле за 40 проценти.


Откажувањето од цигарите сепак не е единствената промена во начинот на живот, кој може да има корисен ефект за здравјето на срцето. Меѓу препораките се редовниот секс и секојдневната консумација на лук.

Во својата нова книга “Срце: затрупана историја на најважниот орган во нашето тело”, германскиот кардиолог Јоханес Хинрих фон Борщел дава насоки за добро кардио здравје и забележува дека никогаш не е доцна човек да пристапи кон позитивни промени. Препораките му се базирани врз неодамнешни студии врз здравјето на срцето, како и на случаи од неговата сопствена пракса.


На прво место специјалистот препорачува редовен секс како една од најпознатите плодни “вежби” за срцето.

“Сексот не е само одличен кардио тренинг, но пред и за време на половиот акт се одделуваат хормони со заштитен ефект за кардиоваскуларниот систем”, забележува Фон Борштел.


Експертот додава дека особено поволен е сексот со некој близок, бидејќи приврзаноста помеѓу партнерите доведува до лачење на покачени нивоа на хормонотот окситоцин.

Следната препорака на експертот е луѓето да се консумира секојдневно суров лук. Лукот, како и овошјето и зеленчукот, содржат секундарни фитохемикалии кои обезбедуваат заштитен ефект за срцето.

Сонот е исто така клучен фактор за добро здравје на срцевиот мускул. Неодамнешна студија на експерти од Универзитетот на Ворвик утврди дека за луѓето кои спијат помалку од шест часа во текот на ноќта или страдаат од нарушувања на спиењето, ризиците од кардиоваскуларни болести и мозочен удар се соодветно со 48 проценти и 15 проценти повисоки отколку за поединците.

Премногу долгото спиење исто така не е препорачливо. За повеќето возрасни е најдобро да спијат седум часа во текот на ноќта, забележува експертот. Фон Борштел препорачува исто за подобро здравје на срцето луѓето да се придржуваат кон медитеранската исхрана и да ја ограничуваат количината на шеќер.