Многу се лесни за подготовка: Направете си плескавици од компири



Плескавици од компири кои одлично одат со секаква свежа салата, риба или пилешко месо.


Ем, многу се лесни за подготовка.

Состојки:


200 гр. сварени компири

3 – 4 лажици овесни снегулки

Една помала главица ситно исечкан кромид

Едно чешне лук

Една зелена пиперка

Сол по ваш вкус, бибер, ким, оригано и масло за јадење

  • Подготовка:

Сварете ги компирите, па добро исцедете ги за да нема многу вода. Изгмечете ги и додадете ги сите состојки, освен маслото. Смесата добро измешајте ја. Оставете ја да отстои 20 минути. Со рака обликувајте плескавици и почнете да ги пржите во тефлонско тавче, со многу малку масло за јадење.

Она што е важно е смесата да биде цврста, кога ќе ја обликувате да не ви се лепи на рацете. Во случај да е мека, можете да додадете малку брашно. Исто така, по ваша желба можете плескавиците да ги извалкате

во брашно, презла, сусам и се’ останато што ви се допаѓа.

Пробајте ги и со тартар сос со копар!