Кантарионовото масло е единствено што се подготвува од свежа билка. Размерот е 100 г цветови на литар масло.Се подготвува со ладно цедено квалитетно масло. Најдобро е маслиновото. Оставете ги цветовите да отстојат преку ноќ, а потоа:

1. Ставете ги во проѕирно стаклено шише и прелијте ги со маслото.

2. Прекријтего шишето со газа и врзете ја со гумичка.

3. Оставете да отстои 40 дена на сонце, повремено проверувајќи дали сите цветови се со маслото.

4. По четириесеттиот ден, добро исцедете го маслото со цвеќето низ газата и притиснете ги цветовите за да пуштат од маслото што го впиле.

5. Соберете го во темни шишенца и затворете ги убаво.

6. Не оставајте го маслото да стои во фрижидер.

Квалитетното кантарионово масло има темна црвена боја, понекогаш со виолетови нијанси. Доколку не сте во состојба да го подготвите дома , кантарионово масло можете да купите и во аптеките.