Полицијата денес наутро ја пронајде 29-годишната Александра Скорниева, која вчера утро околу 8:15 минути излегла од својот дом и 24 часа од неа немаше ни трага ни глас, објави велешкиот портал „Батали“.

Од СВР Велес ја потврдија информацијата дека Скорниева утрово е пронајдена кај мостот на браната на езерото Младост. Таа е во добра здравствена состојба и е контактибилна, со мала повреда на телото.

Нејзиното семејство синоќа побара помош од граѓаните, бидејќи Александра не си дошла дома цел ден. Утрово потрагата заврши успешно и таа е најдена жива и здрава.