Да се одучиме од грицкањето нокти



Можеби и вие сте ги гризеле ноктите? Некои луѓе тоа го прават тоа постојано и без контрола. Онихофагија (од грчкиот збор Onychophagia) е медицинскиот термин за ова однесување. Оваа навика е една од „нервните” навики. Многумина почнуваат да грицкаат нокти уште во детството, а 10% од возрасните се одвикнуваат кон 30-тите години.


Во повеќето случаи грицкањето на ноктите е предизвикано од стрес, фрустрација, досада, срам, итн. Луѓето кои ја имаат оваа навика, го прават насекаде: на работното место, по телефон, кога гледаат телевизија, читаат книга, чекаат.

Грицкањето на ноктите е лоша и многу нездрава навика. Тоа има негативно влијание врз здравјето, бидејќи бактериите врз ноктите се во устата, а тоа го зголемува ризикот од инфекција. Освен тоа прстите во устата ги оштетуваат предните заби. Да не заборавиме дека се расипува и изгледот на ноктите, кој секогаш прави лош впечаток.


Но, постојат некои совети и методи, кои може да ви помогнат да се ослободите од мастиката за нокти:

Најпопуларниот начин на одвикнување е со користење на лак за нокти, гелови, креми кои ќе им дадат на ноктите непријатен вкус. Во аптеките или козметичките продавници можете да ги најдете специјалните препарати за нокти, наменети токму да ве откажат од штетната навика. Позитивната страна на такви производи е дека содржат витамини и состојки кои придонесуваат за третманот, зајакнувањето на ноктите и кожата околу нив.


Направете си убав маникир кој ќе жалите ако го оштетите. Не ставајте обичен лак. Најдобро цртајте цртежи, цвеќиња, фигури. Колку повеќе труд сте вложиле, толку помалку ќе ви биде „интересно“ да ги гризете.

Добра навика е носењето на прибор за нокти во торбата. Купете мини-комплет и секогаш носете го.

Често се случува да не можете да се справите со проблемот. Замолете ги вашите роднини и пријатели да ви кажат кога ќе забележат дека повторно гризете нокти. Овие сигнали треба да бидат скриени, а не јавни, па да не ве стават во непријатна ситуација пред сите.

Гризењето на ноктите може да биде знак на сериозен психолошки проблем. Ако не можете да се справите со него, консултирајте се со специјалист. Најважно при работата со секој лоша навика се волјата и одлучноста!