Фала ви дечки. Овие порачиња си ги чувам на сигурно во сефот на срцево.
„Здраво Драган, се надевам дека сте добро.
Се сеќавате на мене која пред 1 година ви пишав без надеж поради невозвратена љубов, полна со негативна енергија во себе, многу недостатоци во себе..
Не е битно и да не ме памтите, сигурно овој временски период сте сретнале многу како мене, јас се сеќавам на вас.
Ми рековте “Немам комкретен совет во врска со твојата моментална ситуација, А********, но можам да ти кажам само – порасни умствено, интелектуално, душевно и емоционално. Телото потоа само ќе ти каже каде понатаму”.
Епа да ви одговорам, цела година се трудев да го направам сето тоа, без мирна душа, без верба.. Дури денес разбрав што всушност треба да правам и дека најбитен е душевниот мир во себе, да се радувам со самата себе, потоа да најдам личност која ќе ми го разубави делот од животот. Не да го разубави мојот живот, туку делот, доволна сум јас самата за да го направам животот да ми биде убав.
Ви благодарам за пораката од тој ден, топло ве поздравувам и да знаете дека една девојка успеавте со вашите зборови да ја “излечите”! ❤

Четири зборови кои помагаат кога сте очајни и несреќни – кажете ги со разбирање и ситуацијата наскоро може да се промени! Има ситуации во животот кога мислиме дека сè тргнало наопаку, дека ништо не ни оди добро и се чувствуваме безволни, демотивирани и оптоварени.

Секогаш ќе има потешкотии на патот на животот, но и во такви ситуации важно е да продолжите да уживате во убавите моменти, бидејќи секоја грешка и очај треба да се прифати како тест, предизвик, од кој може да се извлече вистинската лекција.

Наместо да очајувате, кога нешто не ви оди, само научете од тоа и развијте се. Наместо негативни мисли кои ве саботираат, оптоваруваат и ве спречуваат да напредувате, одлучете се да го насочите умот на позитивното.

Психијатарот Виктор Франкл еднаш зборуваше за „волјата за смислата“. Го советувал човекот да го праша животот што очекува од него, а не обратно – да очекува нешто од него.

Додека бил во нацистичкиот концентрационен логор, тој лично се уверил во способноста на луѓето да најдат значење насекаде, дури и во најстрашните страдања. Франкл го искористил ова искуство за да создаде свој метод на лекување – логотерапија.

Нејзината суштина е следна: се обидувате да го пронајдете и разберете значењето на секој момент во вашиот живот, без разлика дали е негативен, неутрален или позитивен.

Кога се чувствувате очајно, демотивирано и мислите дека сè тргнало наопаку, само кажете ги следниве зборови: „Ја гледам смислата во …“

Веднаш штом ќе ја изговорите оваа фраза, обидете се да ја завршите така што четвртиот збор ќе биде нешто во кое можете да најдете значење во моментот. На пример: „Ја гледам смислата во пријателите;“ „Ја гледам смислата во искуството;“ „Ја гледам смислата во промената.”

Колку и да се лоши работите, секогаш можете да најдете малку позитивност во секое време. Сè што треба да направите е да се обидете да ја пронајдете таа позитивност.

Треба да се запрашате: што очекува животот од мене токму во овој момент кога сум соочен со сите овие работи? Откако ќе сфатите дека вашето страдање има некакво значење, ќе ви биде многу полесно да го доживеете.

Честопати, потрагата по значење е првиот чекор на патот кон исцелување. Тоа ни отвора начини да се справиме со она што ни се случува. Можеби нема да ви ја ублажи болката, но ќе ве освести и ќе ви помогне да го вратите мирот и спокојството дури и во ситуации за кои мислевте дека се безнадежни.

Извор: Животен стил